口試心情

聽日就要考口試,為左要防止口試既時候講左如
"你UP咩","我GET到","O左咀","唔係 Fa",你好正","屈左機"
等等既說話,等我打一文是我手打我口的文字喇(不是自打咀巴).

改番下上面幾句先
"你UP咩" 應為 "你的意思是....."
"我GET到" 應為 "我明白你的意思......"
"O左咀" 應為 "我實在無話可說..."
"唔係 Fa" 應為 "不是吧?"
"你好正"(言語上) 應為 "你說的話實在動聽....."
"屈左機" 應為 " 你說話的分量乃至氣勢已把我恨恨的打倒了...."


我諗平時講野講成點,到時都會係點,好難點樣轉到
平時講得快就快,講得慢就慢,
出口成文既就會出口成文,,講得模糊就會講野模糊
平時有理說不清,今次得個三分鐘可能唔夠講添
無野好驚,比心機,當今次係同監考人玩吓遊戲,同班人吹下水
吹水唔會唔識,只要間中出下孔子論語,多加例子,自然小小,沒問題.

仲有其他好多野要做,好多野都做唔切,不過而家都差唔多要收尾
而家有幾多就就幾多,唔埋得其他人去到邊,做好自己,問心沒愧
你有付出幾多,應該就會收獲幾多.

整番幾句古語先..
是以惡乎佞者!!!!!!!
吉人之詞寡!!!!!!!
巧言令色鮮矣仁!!!!!!
先行並言而後從之!!!!
訥於言而敏於行!!!!!!
恥其言而過其行!!!!

我諗以上古語都用唔著......唉.....